Dalvegi 18, KópavogiSími 580 6000Mínar síður
Hafa samband

Umhverfið

Málning hf hefur frá upphafi leitast við að vera leiðandi í umhverfismálum og framleiða bestu málninguna fyrir íslenskar aðstæður.

Vottun Norræna umhverfismerkisins

Svanurinn – Norræna umhverfismerkið

Svanurinn er opinbert umhverfismerki Norðurlandanna sem var komið á fót af Norrænu ráðherranefndinni árið 1989. Meginmarkmið Svansins er að draga úr umhverfisáhrifum af vörum eða þjónustu og auðvelda neytendum að velja umhverfisvænni kosti.

Til að málning fái að bera Svaninn þarf hún að uppfylla strangar kröfur um framleiðslu og innihald. Öll hráefni þurfa að fá samþykki Svansins og málningin má ekki innihalda nanóefni, þungmálma eða efni sem geta verið hættuleg eða valdið skaða á umhverfinu. Eins eru settar strangar kröfur um notkun rotvarnarefna og lífrænna leysiefna.

Árið 2018 hlaut Málning hf vottun Norræna umhverfismerkisins og leyfi til að merkja tæplega 30 vörur með merki Svansins.

Vottun Svansins (PDF)Um Svaninn

Svansmerktar vörur Málningar

Allar Svansmerktar vörur
InnimálningKÓPAL 2KÓPAL 2 er vatnsþynnanleg, lyktarlaus plastmálning, sem inniheldur engin lífræn leysiefni, ammóníak eða formaldehýð.…SvansmerktInnimálningKÓPAL 4KÓPAL 4 er vatnsþynnanleg, lyktarlaus plastmálning sem inniheldur engin leysiefni, ammóníak eða formaldehýð. KÓPAL 4…SvansmerktInnimálningKÓPAL 10KÓPAL 10 er vatnsþynnanleg, lyktarlaus plastmálning sem inniheldur engin leysiefni, ammóníak eða formaldehýð. KÓPAL 10…SvansmerktInnimálningKÓPAL 25KÓPAL 25 er vatnsþynnanleg, lyktarlaus plastmálning, sem inniheldur engin lífræn leysiefni, ammóníak eðaformaldehýð.…SvansmerktInnimálningKÓPAL AKRÝLHÚÐ – Gljástig 25/60KÓPAL AKRÝLHÚÐ er vatnsþynnt akrýlmálning, með mikla þvottheldni og hylur sérlega vel. KÓPAL AKRÝLHÚÐ er gerlavarin…SvansmerktGrunnmálningKÓPAL FYLLIGRUNNURKÓPAL FYLLIGRUNNUR er vatnsþynnt, lyktarlaus grunnmálning sem inniheldur engin lífræn leysiefni, ammóníak eða…SvansmerktMynd væntanlegSparslKópal M – SprautusparslKópal M – Sprautuspars er hvítt, klassískt sprautusparsl fyrir nýbyggingar og endurbætur. Fínkornóttur dólómít marmariSvansmerktÖnnur málningG.S. GRUNNURMálning framleiðir Gifs og Sparsl Grunn fyrir fagmenn.Svansmerkt

Svansvottuð hús

Til að vara sé leyfð í Svansvottuð hús þarf hún að uppfylla nokkuð strangar kröfur um skaðleg innihaldsefni, en kröfur fyrir Svansvottun eru mun strangari. Vörur sem eru samþykktar í SCDP í samræmi við gildandi byggingarviðmið (nýbyggingar og endurbætur) eru einkenndar með grænu húsi til einföldunar fyrir viðskiptavini.

20 vörur á vefnum eru merktar græna húsinu, auk Svansmerktu varanna.

Listi yfir leyfðar vörur (PDF)Skoða vörurnar

BREEAM – vistvæn hönnun

BREEAM er eitt elsta og þekktasta vistvottunarkerfi í heimi og er notað til að leggja mat á sjálfbærni í verkefnum tengdum aðalskipulagi, innviðum og byggingum. Ólíkt kröfum Svansins geta kröfur BREEAM til byggingarefna verið breytilegar eftir verkefnum og því þarf að skoða hvert verkefni fyrir sig.

Öll Kópal málning og grunnar uppfylla kröfur um endurnýjun á húsnæði (BREEAM RFO 2015). Fyrir málun á húsnæði í notkun er mælst til að notaðar séu umhverfisvottaðar vörur, t.a.m. Svansvottaðar vörur.

Um BREEAM

0% lífræn leysiefni

Árið 1991 kynnti Málning til leiks umhverfisvæna innimálningu undir heitinu „0% lífræn leysiefni“ og braut þannig blað í íslenskri málningarsögu. 0% merkið stendur fyrir málningu án lífrænna leysa, ammoníaks eða formaldehýðs.

Þessi málning er nánast algjörlega lyktarlaus. Við vöruþróun er lögð höfuðáhersla á að færa sem flestar vörur að 0% merkinu.

Grænt bókhald

Málning hf hefur yfir að ráða um 260 hráefnum til málningarframleiðslu sinnar og af þeim flokkast um 90 sem merkingarskyld ef magn þeirra fer yfir ákveðin viðmiðunarmörk. Í grænu bókhaldi er notast við hefðbundna flokkun efna til málningarframleiðslu og gefið upp magn þriggja stærstu hráefnanna í hverjum flokki.

Grænt bókhald hjá Umhverfisstofnun

Umhverfisstefna Málningar hf

Málning hf fékk fyrst íslenskra málningarfyrirtækja starfsleyfi í júní 1998. Öllum ákvæðum þess hefur verið fylgt og allar eftirlitsmælingar verið vel innan þeirra marka sem sett eru í leyfinu.

  1. Byggingar, umhverfi og starfsaðstaða skal vera til fyrirmyndar hjá fyrirtækinu. Það er markmið að allar aðstæður séu á þann veg að vinnuslys heyri sögunni til.
  2. Við vöruþróun er lögð höfuðáhersla á að færa sem flestar vörur að 0% merkinu, draga sem mest úr notkun hættulegra efna og hætta notkun eiturefna.
  3. Í framleiðslunni er leitast við að tileinka sér hreina framleiðslutækni, þar sem markið er sett á góða nýtingu á orku, vatni og hráefnum. Stefnt er að því að rýrnun á hráefnum og umbúðum sé ávallt undir 2% af ársnotkun.
  4. Sorp og spilliefni eru flokkuð í samræmi við óskir förgunaraðila og haldið er bókhald yfir magn þeirra, þannig að hægt sé að bera saman niðurstöður á milli ára.
  5. Fyrirtækið fylgist vel með þróun og breytingum á lögum og reglugerðum er varða umhverfismál.
  6. Stjórnendur leitast við að efla umhverfisvitund starfsmanna og beina viðskiptavinum inn á braut umhverfisvænna vara.
  7. Við innkaup tækja og rekstrarvara er lögð áhersla á að velja vörur sem hafa sem minnst áhrif á umhverfið.

Baldvin Valdimarsson, framkvæmdastjóri

Viltu vita meira?

Sendu okkur tölvupóst eða hafðu samband við söludeild í síma 580 6000.

Hafa samband 580 6000